Eńbek jáne halyqty áleýmettik qorǵaý mınıstri Birjan Nurymbetov tótenshe jaǵdaı kezinde tabysynan aıyrylǵan azamattar áleýmettik tólem alý úshin ótinish bere bastaǵanyn aıtty.
«Tótenshe jaǵdaı kezinde tabysynan aıyrylǵan azamattar ótinishter bere alady. Ol úshin qazir eki portal turaqty jumys istep jatyr. Ol elektrondyq portal egov.kz jáne 42 500.enbek.kz. Onyń dáleli retinde sońǵy 3 kúndegi ótinishter sanyn atap ótýge bolady. Búgin tańerteńge deıin bizge 1 284 000 ótinish kelip tústi. Qazir ESP qoldanýdyń qajettiligi joq. Ony SMS arqyly nemese qupııasóz arqyly rastaýyńyzǵa bolady», dedi Birjan Nurymbetov.
Onyń aıtýynsha, buǵan deıin portalda tek qana jumys berýshiler tirkele alǵan bolsa, endi jeke tulǵalar da portal arqyly ótinish beredi.